Search

‘இந்தியாவில் பெண்மையின் லட்சியம் தாய்மை. அற்புதமான, தன்னலமற்ற, துன்பங்களை எல்லாம் ஏற்றுக்கொள்கிற, என்றும் மன்னிக்கும் இயல்புடையவள் தாய்!’ என்று தாயின் பெருமைகளை சுவாமி விவேகானந்தர் அடுக்கிக் கொண்டே போகிறார். அன்பைப் பொழிந்து சரித்திரம் படைத்த தாய்மார்கள் பலர். அவர்களது சிறப்பினை விளக்கும் சம்பவங்கள், அன்னை ஸ்ரீசாரதாதேவியின் பேரன்பைப் போற்றும் நிகழ்ச்சிகள், ஒருவர் சிறந்த தாயாக மலர்வதற்கான வழிகள் போன்ற பல அரிய விஷயங்களைத் தருகிறது இந்த நூல். இவை இன்றைய காலத்திற்குத் தாய்மையின் லட்சியத்தை மீண்டும் நிலைநாட்ட உதவுகின்றன.

இன்று நம் நாடு வேறு எந்த நாட்டிலும் இல்லாத அளவிற்கு ‘இளைஞர்கள்’ என்ற ஒரு பெரும் செல்வத்தைக் கொண்டிருக்கிறது. இளைஞர்க்களிடமே தனிமனித வளர்ச்சிக்கும், நாட்டின் முன்னேற்றத்திற்கும் தேவையான அளப்பற்ற ஆற்றல் அடங்கிக் கிடக்கிறது. அந்த ஆற்றலைத் தட்டி எழுப்புவதற்கான முயற்சியே ‘எழுச்சி பெறு யுவனே!’ என்னும் இந்நூல். இதில் இன்றைய யுவனும் யுவதியும் அவசியம் மனதில் கொள்ள வேண்டிய நம்பிக்கை விதைகள், சாதிப்பதற்கான பயிற்சிகள், சாதனையாளர்களின் அனுபவங்கள், இவற்றுக்கும் மேலாக இளைஞர்கள் தம்மைப் பற்றித் தாமே உணர வேண்டிய இளைஞர் சக்தி குறித்த பல சுவையான கட்டுரைகள் இடம் பெற்றுள்ளன.

ஆன்மிக வாழ்க்கையை போல் சமுதாய வாழ்க்கையிலும் நாம் முன்னேறிட சில நற்பண்புகளும் குணாதிசயங்களும் தேவைப்படுகின்றன. வாழ்க்கையை நன்கு திட்டமிடுதல், பிறரைப் புரிந்து கொள்ளுதல், குழுவாகப் பணிபுரிதல், அருமையாகவும் அன்பாகவும் இருத்தல் போன்ற விஷயங்களை பற்றி நம் ஒவ்வொருவருக்கும் அடிக்கடி நினைவூட்ட வேண்டியிருக்கிறது. அப்படிப்பட்ட ஓர் அழகான நினைவூட்டலே இந்நூலில் உள்ள கட்டுரைகள். இவற்றை நினைவுகூர்ந்து நற்பண்புகளை பயிலுவோம்! வெற்றிக்கு விரைந்திடுவோம்!

‘வித்யா தானம் மஹா தானம்’ என்பது நம் பாரம்பரியம். ஆனால் இன்றைய கல்விச் சூழ்நிலை வணிகமயமாக்கப்பட்டு, மதிப்பீடுகளை (Values) மறந்து மதிப்பெண்களை நோக்கியே சென்று கொண்டிருக்கிறது. மேலும், இன்று தொழில்நுட்ப வளர்ச்சி, கல்வி என்பது வெறும் தகவல் பரிமாற்றம் என்ற தவறான கருத்தை முன்வைக்கிறது. இதுபோன்ற சவால்களை எதிர்கொள்ள கல்வியாளர்களும் துறவிப் பெருமக்களும், தங்கள் சிந்தனைகளை இந்நூலில் கட்டுரைகளாக பகிர்ந்துள்ளனர். இவற்றைச் செயல்படுத்தி, உயர் கலாச்சாரம், பண்பாடு, மற்றும் ஆன்மீக வளர்ச்சியை உருவாக்கும் கல்வியைக் கட்டமைப்போம், வாருங்கள்!

இளைஞர்கள் தன்னம்பிக்கையோடு வாழ்க்கையின் சவால்களை எதிர்கொள்வதற்கான வழிமுறைகளை வழங்குகிறது இந்நூல். இதில் இடம்பெற்றுள்ள கட்டுரைகள் யாவும், ஸ்ரீராமகிருஷ்ண விஜயத்தில் சுய முன்னேற்றப் பகுதியில் வெளிவந்தவை. தங்கள் வாழ்க்கையை மேம்படுத்திக் கொள்வதற்கான சிறந்த சிந்தனைகளை இளைஞர்கள் இந்நூலில் பெறுவர்.

சாதித்தவர்களின் வாழ்க்கை சாதாரணமாக வாழ்பவர்களுக்கு பாடம் ஆகிறது; அவர்களையும் சாதிக்கத் தூண்டுகிறது. அத்தகைய ஒரு சாதனை வாழ்க்கையை இன்றைய காலகட்டத்தில் வாழ்ந்து காட்டியவர் சுவாமி விவேகானந்தர். சுவாமி விவேகானந்தரின் வாழ்க்கை நிகழ்ச்சிகள் சில, இந்நூலில் தொகுக்கப்பட்டு வண்ணப் படங்களுடன் வழங்கப்பட்டுள்ளன. கொடை, வீரம், மன ஒருமைப்பாடு போன்ற அவரது நற்குணங்களை இன்றைய இளைய சமுதாயத்தினர் பயில்வதற்கு இதுவே சிறந்த வாயப்பு!

தன் வாழ்க்கையை சரியான பாதையில் வழிநடத்த, ஒரு மாணவனுக்கு நல்ல முன்னோடி தேவை. வீரம், கருணை, கொடை, மன ஒருமைப்பாடு போன்ற நற்குணங்களின் இருப்பிடமாகத் திகழ்ந்த சுவாமி விவேகானந்தர், மாணவ சமுதாயத்திற்கு ஒரு சிறந்த முன்னோடி. இம்மாமனிதரின் மகத்துவத்தை வெளிப்படுத்தும் சில சுவாரஸ்யமான வாழ்க்கைச் சம்பவங்களை தொகுத்து வழங்குகிறது இந்நூல். இன்றைய மாணவர்களுக்கு சுவாமி விவேகானந்தரை அறிமுகப்படுத்த இதை விட சிறந்த வழி உண்டோ?

தன் வாழ்க்கையை சரியான பாதையில் வழிநடத்த, ஒரு மாணவனுக்கு நல்ல முன்னோடி தேவை. வீரம், கருணை, கொடை, மன ஒருமைப்பாடு போன்ற நற்குணங்களின் இருப்பிடமாகத் திகழ்ந்த சுவாமி விவேகானந்தர், மாணவ சமுதாயத்திற்கு ஒரு சிறந்த முன்னோடி. இம்மாமனிதரின் மகத்துவத்தை வெளிப்படுத்தும் சில சுவாரஸ்யமான வாழ்க்கைச் சம்பவங்களை தொகுத்து வழங்குகிறது இந்நூல். இன்றைய மாணவர்களுக்கு சுவாமி விவேகானந்தரை அறிமுகப்படுத்த இதை விட சிறந்த வழி உண்டோ?

ஆற்றல் மிக்க நம் மாணவர்கள் பலர், சிறிய தடைகளை எதிர்கொண்டாலும் தன்னம்பிக்கையை இழந்துவிடுகின்றனர். போட்டி நிறைந்த இன்றைய கல்வி முறையில் துணிச்சலுடன் தேர்வுகளை எதிர்கொள்ள சிரமப்படுகிறார்கள். இந்நிலையில் சுவாமி விவேகானந்தரின் எழுச்சியூட்டும் சிந்தனைகளை மாணவர்களிடையே சிறு கட்டுரைகள் மூலமாக கொண்டு சேர்கிறது இந்நூல். இச்சிந்தனைகள் நம் மாணவர்களைத் தேர்வுக்கு மட்டுமல்லாமல் வாழ்க்கையின் சவால்களை சந்திக்கத் தயார்படுத்தும் என்பதில் சந்தேகமில்லை

ஆன்மிக வாழ்க்கையை போல் சமுதாய வாழ்க்கையிலும் நாம் முன்னேறிட சில நற்பண்புகளும் குணாதிசயங்களும் தேவைப்படுகின்றன. வாழ்க்கையை நன்கு திட்டமிடுதல், பிறரைப் புரிந்து கொள்ளுதல், குழுவாகப் பணிபுரிதல், அருமையாகவும் அன்பாகவும் இருத்தல் போன்ற விஷயங்களை பற்றி நம் ஒவ்வொருவருக்கும் அடிக்கடி நினைவூட்ட வேண்டியிருக்கிறது. அப்படிப்பட்ட ஓர் அழகான நினைவூட்டலே இந்நூலில் உள்ள கட்டுரைகள். இவற்றை நினைவுகூர்ந்து நற்பண்புகளை பயிலுவோம்! வெற்றிக்கு விரைந்திடுவோம்!