Sagagang Jacaranda

Kembang bungur ti Gagah masih nyelap dina buku catetan poéan Adis. Geus garing, geus leungit pulas bungurna, tapi ku Adis tetep dipupusti. Kiwari Adis keur di nagara deungeun, nyorangan dibaturan ku lampu taman anu baranang. Nekéh nanjak di jalan satapak, jalan nu karasana ngembat panjang taya geusan pangjugjugan. Leungeun katuhuna ngodok pésak jakét, tipepereket nyekel paméré Adit, sagagang kembang jacaranda.